Holtaskóli er samfélag sem einkennist af virðingu, ábyrgð, virkni og ánægju.

Allir sem þessu samfélagi tilheyra eiga að njóta virðingar og sýna öðrum virðingu. Virðing fyrir öðrum og að njóta virðingar annarra er mikilvægur liður í að byggja upp sjálfsvirðingu hvers og eins. Virðingin einskorðast þó ekki við aðra einstaklinga. Það er líka mikilvægt að starfsmenn og nemendur beri virðingu fyrir viðfangsefnum sínum, tækjum og áhöldum, umhverfi og náttúru svo eitthvað sé nefnt.

Framkoma okkar og starf er mikilvægt. Það á jafnt við störf stjórnenda annarra starfsmanna og nemenda. Við berum ábyrgð á okkur sjálfum og því sem við gerum. Nám og vinna okkar er á okkar ábyrgð og því getum við ekki kastað henni yfir á aðra. Okkur ber líka að umgangast aðra af fullri ábyrgð. Gætum að því sem við segjum við aðra því við gætum sært þá. Við viljum líka að aðrir komi þannig fram við okkur.

Í því felst að allir sem þessu samfélagi tilheyra leggi sig fram. Virkni stjórn­enda, starfsmanna og nemenda á að smita út frá sér, þannig að í sameiningu náist hámarksárangur í samræmi við getu hvers og eins.

Ánægja:

Líf í skóla á að vera ángæjulegt og það á að vera markmið okkar allra í öllu okkar starfi að skapa andrúmsloft þar sem allir una sáttir við sitt.

Holtaskóli tók til starfa 1952 og hét þá Gagnfræðaskólinn í Keflavík. Fyrstu árin var kennt í Barnaskólanum við Skólaveg og í Sjálfstæðishúsinu sem stóð á horni Hafnargötu og Skólavegar. Árið 1962 var lokið við byggingu nýs skólahúss við Sunnubraut 32 og það tekið í notkun 13. október 1962. Skólahúsnæðið hefur verið stækkað í þremur áföngum. Norðurálma var byggð árið 1970 og miðálma sem byggð var ofan á handavinnustofu drengja 1972. Nýjasta álma skólans var tekin í notkun 1977, en þá hýsti hún Fjölbrautaskóla Suðurnesja til ársins 1979 er sá skóli flutti í núverandi húsnæði.

Árið 1982 var skipt um nafn á skólanum í kjölfar nýrra grunnskólalaga. Fékk skólinn þá nafnið Holtaskóli. Fyrsti skólastjóri Gagnfræðaskólans var Rögnvaldur J. Sæmunds­son en hann var skólastjóri frá árinu 1952 allt til ársins 1976. Þá tók við skólastjórn Sigurður E. Þorkelsson og gegndi hann starfinu til ársins 2003. Því næst tók Jónína Guðmundsdóttir við skólastjórastarfinu og sinnti því fram til ársins 2007. Núverandi skólastjóri er Jóhann Geirdal. Holtaskóli er einsetinn skóli með samfellda stundaskrá. Nemendur skólans eru í 1. - 10. bekk og eru á þessu skólaári 465 í 21 bekkjardeild og deild fyrir nemendur með einhverfu.Kennarar eru 41 og annað starfsfólk er 24. Boðið er upp á heitan mat í hádeginu alla virka skóladaga og kemur sá matur frá Skólamat. Frístundaskóli er starfræktur í skólanum á milli kl.13.30 og 17.00 í húsnæði skólans.

Samkvæmt 26.gr. laga nr. 66/1995 með áorðnum breytingum laga nr. 48/2001 um grunnskóla skal starfstími nemenda á hverju skólaári vera að lágmarki níu mánuðir. Kennsludagar nemenda skulu ekki vera færri en 170. Samkvæmt kjarasamningi Kennarafélags Íslands og Launanefndar sveitarfélaga skulu skóladagar nemenda vera 180 á tímabilinu 20. ágúst til 10. júní.

Sérstakir starfsdagar kennara á skólaárinu eru fimm og skulu þeir ákveðnir af skóla­stjóra í samráði við kennara og með hliðsjón af kjarasamningum.

Stefna Holtaskóla grundvallast á grunnskólalögum, aðalnámskrá grunnskóla, skólastefnu Reykjanesbæjar og sérstöðu Holtaskóla.

Holtaskóli er samfélag sem einkennist af Virðingu, Ábyrgð, Virkni og Ánægju. Þessi kjörorð eru höfð að leiðarljósi við þau störf sem allir aðilar í skólastarfinu koma að, þar með talin eru þau störf sem lúta að því að framfylgja stefnu skólans.

Hlutverk Holtaskóla er að miðla þekkingu, skapa gott námsumhverfi og styrkja félagsþroska og jákvæða námshegðun.

-          við miðlum þekkingu með fjölbreyttum kennsluaðferðum og kennsluháttum og skilvirkri tengingu við Aðalnámskrá grunnskóla.

-          við vinnum saman og leggjum metnað í að sækja og miðla hugmyndum og efni jafnt innan skólans og út fyrir skólann.

-          við sköpum gott námsumhverfi með því að koma til móts við þarfir, áhuga og hæfileika mismunandi einstaklinga.

-          við beitum einstaklingsmiðuðum vinnubrögðum til að koma sem best til móts við náms- og félagslegar þarfir nemenda.

-          við kennum jákvæða náms- og félagslega hegðun sem við styrkjum með virkri endurgjöf og uppbyggilegu viðmóti. Til hliðsjónar höfum við fáar en einfaldar reglur sem allir starfsmenn og nemendur skólans virða.

Til að ná ofangreindu fram verður starfsfólk Holtaskóla að:

-          sýna áhuga og metnað.

-          sýna fagmennsku og góða samvinnu.

-          vera góðar fyrirmyndir í einu og öllu.

-          vinna með foreldrum og nærumhverfi.

-          Ofangreint skilar nemendum okkar sterkari út í þjóðfélagið.

-          Stefna Holtaskóla er tekin út og vottuð af utanaðkomandi aðila einu sinni á ári.

Húsnæði skólans er 4.517 fermetrar á tveimur hæðum með aðgangi að íþróttahúsi og sundmiðstöð í næstu húsum.

Húsakynni eru 20 almennar stofur, stór salur sem notaður er fyrir hvers kyns viðburði og sem mötuneyti. Ein líffræði- og eðlisfræðistofa, tónmenntastofa, þrjár tónlistar-herbergi, myndmennta- og leirmótunarstofa, hannyrðastofa, glervinnslu- og trésmíðastofur, tvær ritvinnslu- og tölvustofur, bókasafn, tvær sérkennslustofur, lesver, tvær heimilisfræðistofur, kennarastofa, þrjár vinnuherbergi kennara, skrifstofa skólans, skólastjóra , aðstoðarskólastjóra og deildarstjóra. Einnig er mötuneyti fyrir starfs­fólk og nemendur og félagsaðstaða nemenda. Að auki eru tvær lausar kennslus­tofur við skólann.  

Í flestum kennslustofum er myndvarpi. Tölva er í hverri stofu og 10 skjávarpar eru til í skólanum. A.m.k. eitt DVD tæki og sjónvarp eru á hverju nemendastigi auk einnar slíkrar samstæðu á bókasafni. Skólinn hefur á að skipa nokkrum ljósritunarvélum, prenturum og öðrum búnaði sem hægt er að nota við skólastarfið.

er forstöðumaður skólans, stjórnar honum, ber ábyrgð á starfi skólans og veitir honum faglega forystu. Skólastjóri Holtaskóla er Jóhann Geirdal.

er nánasti samstarfsmaður skólastjóra og er staðgengill hans. Aðstoðarskólastjóri Holtaskóla er Eðvarð Þór Eðvarðsson.  

starfar með skólastjórnendum, starfar í umboði þeirra við ýmsa þætti í skólastarfinu. Deildarstjóri er Helga Hildur Snorradóttir.

starfar skv. 39. gr. grunnskólalaga nr. 66/1995.

Hlutverk þess er að samræma skipulag og framkvæmd þjónustu við nemendur varðandi heilsugæslu, ráðgjöf og sérfræðiþjónustu.

Í nemendaverndarráði Holtaskóla eiga sæti skólastjóri eða aðstoðarskólastjóri, skóla­hjúkrunarfræðingur, sérkennari, fulltrúi kennara, námsráðgjafi, ráðgjafi félagsþjónustu og sálfræðingur frá skólamálaskrifstofu. Umsjónarkennarar vísa málum nemenda sinna til ráðsins þegar önnur úrræði hafa reynst árangurslaus.

Nemendaverndarráð fjallar um sérstök úrræði varðandi einstaka nemendur og kemur saman hálfsmánaðarlega á starfstíma skóla. Það sinnir málum þessara nemenda með samþykki foreldra ,sér um að leitað sé lausna og fylgir málum eftir.

Í einstaka tilvikum þarf skólastjóri að tilkynna mál nemenda skriflega til barna­verndar­yfirvalda og fræðsluyfirvalda.

Nemendaverndarráð er 6 manna ráð skipað fulltrúum frá skólaskrifstofu, heilsu­gæslu og skólanum.

Í nemendaverndarráði eru:

 

-          Eðvarð Þór Eðvarðsson, aðstoðarskólastjóri

-          Helga Hildur Snorradóttir, deildarstjóri

-          Elín Jakobsdóttir, skólahjúkrunarfræðingur

-          Guðbjörg Ingimundardóttir, deildarstjóri sérkennslu

-          Sigurður Þorsteinsson, skólasálfræðingur

-          Sigríður Bílddal, starfs- og námsráðgjafi

Náms- og starfsráðgjafi er í 100% starfi við skólann. Hann er talsmaður og trúnaðarmaður nemenda.

Helstu verkefni náms- og starfsráðgjafa eru að vinna með nemendum að náms- og starfsvali, leiðbeina um vinnubrögð, undirbúa nemendur undir flutning milli skólastiga og sinna fyrirbyggjandi starfi í samstarfi við starfsmenn skólans.
Náms- og starfsráðgjafi vinnur í nánu samstarfi við foreldra eftir því sem við á. Einnig hefur hann samráð og samstarf við aðra sérfræðinga innan eða utan skólans, s.s sérkennara, hjúkrunarfræðing, skólasálfræðing og vísar málum einstaklinga til þeirra eftir því sem við á. Náms- og starfsráðgjafi við Holtaskóla er Sigríður Bílddal.

hefur umsjón og eftirlit með skólahúsnæðinu. Húsvörður opnar skólann að morgni og tekur síma þar til ritari mætir. Hann stjórnar gangavörslu og hefur eftirlit með ræstingu hússins. Umsjónarmaður fasteignar er Ísak Leifsson.

Starfsmenn skóla sinna gangavörslu, vinna í matsal og aðstoða nemendur á skólatíma.

sér um skrifstofu og er tengiliður við nemendur, foreldra þeirra og aðra þá sem við skólann hafa samband. Skólaritari sinnir ritvinnslu og tölvuvinnslu fyrir skólastjórn eftir þörfum, tekur við tilkynningum um veikindi og veitir nemendum nauðsynleg leyfi að beiðni foreldra þó ekki lengri en einn dag. Ef um lengri leyfi er að ræða ber forráðamönnum að snúa sér til skólastjórnenda og undirrita leyfisbeiðni. Ritari skráir veikindi og leyfi í tölvu skólans. Ritari veitir almennar upplýsingar um skólastarfið. Skólaritari er Guðrún I. Benediktsdóttir.

Opnunartími skrifstofunnar er frá 7:45 - 15:00

Samkvæmt grunnskólalögum eiga allir nemendur rétt á að fá kennslu við sitt hæfi. Sérkennsla er ein af mörgum leiðum til að ná þessu markmiði og stefnt er að því að hún verði eðlilegur þáttur í skólastarfinu. Leitast er við að mæta námsþörfum nemenda inni í bekk þannig að heildarnám raskist sem minnst. Stefnt er að því að nemendur fylgi námskrá síns árgangs þó stundum reynist nauðsynlegt að taka nemandann út úr kennslustund til frekari þjálfunar. Þar getur verið um að ræða tímabundinn eða samfelldan stuðning í lengri eða skemmri tíma jafnvel alla skólagöngu nemandans. Kennsla þeirra nemenda er byggð upp út frá einstaklings­námskrá að öllu eða einhverju leyti. Áhersla er lögð á að hafa náið samstarf við foreldra/forráðamenn nemanda sem þarfnast stuðnings til að góður árangur náist. Gera verður þeim og nemandanum grein fyrir þeim markmiðum sem sett eru í sérkennslu, tilhögun hennar og vali námsgagna. Því meiri þátt sem foreldrar og fjölskyldur nemenda eiga í því að taka ákvörðun um sérkennslu fyrir börn sín því meiri líkur eru til að sérkennslan nái tilætluðum árangri. Áhersla er lögð á fyrirbyggjandi starf í yngstu bekkjunum og fara sérkennari og þroskaþjálfi í heimsóknir á leikskólana og undirbúa móttöku nemenda með sérþarfir í samvinnu við foreldra, skólaskrifstofu og væntanlegan umsjónarkennara.

Umsjónarkennari ber í öllum tilvikum meginábyrgð á nemendum með sértækar námsþarfir eins og öðrum nemendum í bekknum.

Aðaláhersla er lögð á lestrarkennslu sem er undirstöðunámsgrein alls náms. Holtaskóli hefur sett sér viðmið fyrir hvern árgang og leiðir til að fylgjast með hvort tilskyldum árangri sé náð. Sérkennari er Hafdís Garðarsdóttir.

1. bekkur	10-60 atkv./mín.
2. bekkur	50-100 atkv./mín.
3. bekkur	140-170 atkv./mín.
4. bekkur	200-250 atkv./mín.
5. bekkur	220-300 atkv./mín.
6. bekkur	230-300 atkv./mín.
7. bekkur	300-350 atkv./mín.
8.-10. bekkur	400-600 atkv./mín.

Umsjónarkennarar og/eða foreldrar sækja um stuðning fyrir nemendur en einnig er stuðst við skimunarpróf sem eru lögð fyrir alla nemendur skólans og hefur lestrarfræðingur yfirumsjón með þeim.

 

Eftirtalin greinandi próf eru lögð fyrir nemendur ef foreldrar og umsjónarkennarar biðja um nánari greiningu.

-          TOLD málþroskapróf

-          Mat á lestrargetu

-          GRP- 10

-          GRP 14H

-          Aston Index ( lestrar- og skriftarörðugleikar)

-          Talnalykill

-          Logos

Þá er Íslenski þroskalistinn og fleiri greiningartæki notuð til hliðsjónar við gerð og áætlanir einstaklingsnámskrár.

Deildin (Eikin) var stofnuð við Holtaskóla haustið 2001.

Veturinn 2009 - 2010 tilheyra 13 nemendur deildinni og um 10 til viðbótar faglegrar ráðgjafar deildarinnar. Við Eikina starfa sérkennari, tveir þroska­þjálfar, leiðbeinandi. Auk þess fylgja stuðningsfulltrúar nemendum þegar þeir sækja kennslustundir með sínum bekkjum þar sem því verður við komið.

Kennslufyrirkomulag er miðað við TEACCH líkanið og þjálfun fer fram með atferlismótun að hluta. Kennsla í deildinni er að öðru leyti byggð á aðalnámskrá grunnskóla. Deildarstjóri Eikarinnar er Guðbjörg Ingimundardóttir.

við nemendur fer þannig fram í Holtaskóla:

Í 36. gr. grunnskólalaga nr. 66/1995 segir: "Nemendur, sem hafa annað móðurmál en íslensku, eiga rétt á sérstakri kennslu í íslensku.” Áorðnar breytingar á 36 gr. grunn­skólalaga þ.e. liður 41/2001 segir jafnframt: ,, Heimilt er að veita þessum nemendum undanþágu frá því að þreyta samræmt próf í íslensku í 4. og 7. bekk. Jafnframt er heimilt að veita nemendum með annað móðurmál en íslensku undanþágu frá því að þreyta samræmt próf í stærðfræði í 4. og 7. bekk hafi þeir dvalið skemur á landinu en eitt ár.” Í Holtaskóla er árlega hópur nemenda sem hefur annað móðurmál en íslensku. Metið er hverju sinni hversu mikla kennslu í íslensku nemandinn fær. Nemendur fá ýmist einstaklingskennslu eða kennslu í tveggja til þriggja manna hópum. Tímafjöldi á viku er mismunandi eftir þörfum. Umsjónarmaður þessarar kennslu er Unnur Kristjánsdóttir.

Fyrir hverja bekkjardeild eða námshóp velur skólastjóri umsjónarkennara. Bekkjar- og umsjónarkennari fylgist með námi nemenda sinna og þroska, leiðbeinir þeim í námi og starfi, aðstoðar og ráðleggur þeim um persónuleg mál og er í nánu sambandi við heimilin og bekkjarfulltrúa. Þannig stuðlar hann að auknu samstarfi skóla og heimilis. Bekkjar- eða umsjónarkennari vakir yfir velferð nemandans og gerir fyrstu tillögur til úrbóta ef hallar undan fæti. Hann fylgist m.a. með skólasókn nemenda og miðlar upplýsingum til foreldra.

Nemendur í 1. - 4. bekk eiga kost á dvöl í frístundaskóla dag hvern eftir að kennslu lýkur frá kl. 13:30 - 17:00. Gerðir eru sérstakir vistunarsamningar um dvöl barna í Frístundaskólanum. Samningin verður að endurnýja árlega. Umsjónarmaður Frístunda­skólans í Holtaskóla skólaárið 2009-2010 er Inga María Henningsdóttir.

Í Holtaskóla er skólasafn samkvæmt lögum um grunnskóla. Þar segir m.a. að tilgangur skólasafns sé að vera lifandi fræðslu- upplýsinga- og menningarmiðstöð í hverjum skóla.

Markmið skólasafns Holtaskóla er að frá skólanum komi vel læsir og vel lesnir nemendur, sem kunna að afla sér heimilda og vinna úr þeim, hafi lært að meta gildi bókmennta og þýðingu þess að hafa gott vald á íslenskri tungu.

Safnið er opið frá 8:00 - 15:00.

Lokað í morgunhléi og hádegishléi yngri nemenda kl. 11.20 -12.05.

Lokað í föstum kennslustundum hjá 1. - 3. bekk.

-          að hafa bóka- og gagnakost, úrklippubækur, myndefni, hljóð- og myndbönd í þeim greinum sem kenndar eru við skólann. Þannig að til gagns sé bæði fyrir nemendur og kennara til heimildaöflunar og almenns fróðleiks

-          að hafa nokkurt úrval skáldsagna og fagurbókmennta, sem hentað geta nemendum hvar sem þeir eru staddir á þroskabraut sinni

-          að koma til móts við áhuga- og tómstundamál nemenda með blöðum og bókum eftir því sem við verður komið

-          að hafa nokkurt úrval lesefnis á þeim erlendu málum sem kennd eru í skólanum.

-          að tryggja nemendum aðgang að tölvum vegna námsins í skólanum. Jafnframt geta þeir fengið að prenta út verkefni.

Nauðsynlegt er að nemendur skilji mikilvægi þess að vinna vel og skipulega. Gott samstarf milli heimilis og skóla er mikilvægt og getur skipt sköpum um árangur í námi. Áhugi, aðstoð og hvatning frá foreldrum er þar lykilatriði. Það er mikilvægt að foreldrar fylgist með námi barna sinna og gefi sér tíma og næði til að þjálfa þau. Börn eiga almennt að skila heimavinnu. Fyrstu árin er lögð áhersla á lestur, skrift og stærðfræði en síðar bætast aðrar námsgreinar við. Yngstu nemendurnir fá vikuáætlanir hjá umsjónarkennurum sínum og ber foreldrum að fylgjast með þeim og kvitta fyrir þegar heimanámi er lokið. Nemendur eldri bekkja eiga að skrá allt heimanám í skóladagbækur sínar auk þess sem foreldrar geta fylgst með áætlunum á fjölskylduvef Mentor. Nemendur bera sjálfir, ásamt foreldrum sínum ábyrgð á heimanáminu. Nauðsynleg áhöld og námsgögn eiga alltaf að vera í skólatöskunni ásamt skóladagbók og námsáætlunum. Nemendur þurfa gott næði og góðar aðstæður til að geta sinnt heimanáminu vel. Vel skipulagður fastur tími helst fyrir kvöldmat hentar flestum nemendum best til að vinna heimanámið. Þannig má koma í veg fyrir að vinnunni sé frestað fram á síðustu stundu.

Markmið: Að nemendur temji sér rétt vinnubrögð og "læri að læra". Nám er vinna. Kennarar við skólann koma sér saman um sameiginlegar kröfur um frágang og gæði verkefna og verkefnaskil þar sem því verður við komið.

Fara fram að hausti í íslensku og stærðfræði í 4., 7. og 10. bekk. Prófin eru mikilvæg til að gera sér grein fyrir stöðu nemenda í hinum ýmsu þáttum þessara námsgreina og eru leiðbeinandi fyrir heimili og skóla um hvar úrbóta er helst þörf.  

eru kynntar fyrir nemendum á hverju hausti. Reglurnar eru til að auðvelda samstarfið, ánægju og vellíðan allra og eru foreldrar beðnir að hvetja börn sín að fara eftir þeim. Brot á reglum þessum skal farið með samkvæmt reglum um meðferð agamála.

Kurteisi: Starfsmenn og nemendur skólans sýni hverjir öðrum fyllstu kurteisi og komi fram af prúðmennsku innan skólans sem utan og í ferðalögum á hans vegum.

Stundvísi: Allir leggi sig fram við nám og störf og mæti stundvíslega í kennslustundir. Fjarvistir vegna veikinda skal tilkynna í skólann samdægurs, ef veikindi vara lengur en einn dag skal tilkynna veikindi á hverjum degi.

-          Notkun hjóla, hjólabretta, hjólaskauta og vélhjóla er bönnuð á skólalóðinni á skólatíma. Notkun þessara hluta er að sjálfsögðu aldrei heimil innan skólans.

-          Notkun hvers kyns myndavéla er óheimil á skólatíma nema með sérstöku leyfi kennara.

-          Nemendum er óheimilt að vera með tæki í skólanum sem ekki tengjast náminu s.s. farsíma, spilara af ýmsu tagi s.s. iPod, mp3, geislaspilara, leikjatölvur o.þ.h.  

-          Óheimilt er að hafa meðferðis í skólann tól sem hugsanlega geta valdið skaða s.s. eldfæri eða hnífa.

-          Við brot á þessum reglum verður viðkomandi tæki eða tól gert upptækt og haft í vörslu stjórnenda þar til foreldri/forráðamaður sækir það.

 

 

 

 

Hverjum nemanda sem fengið hefur þrjú R eða undir 6,0 að meðaltali í ástundun á heilu skólaári er óheimil þátttaka í ferðalögum.

Nemanda sem uppvís verður að notkun áfengis á skemmtun á vegum skólans er vísað úr skóla í eina viku og jafnframt meinuð þátttaka í ferðalögum á hans vegum.

Samkvæmt lögum er tóbaksnotkun barna undir 18 ára aldri bönnuð. Skólinn vill leggja sitt af mörkum til að sporna við þessu lögbroti. Ef nemandi verður uppvís að tóbaksnotkun á skólatíma mun strax vera haft samband við foreldra.

Ef nemanda gengur illa að fylgja þessum reglum verður haft samband við foreldra svo þeir geti rætt við barn sitt. Ef það hefur ekki tilætluð áhrif getur kennari farið fram á að fá foreldra í skólann til að vera með barninu og finna viðunandi lausn.

Ef um agavandamál og/eða vanrækslu á námi er að ræða hjá nemanda ber kennara/starfsmanni að skrá það í dagbók og tilkynna til umsjónarkennara.

Umsjónarkennari ræðir þá formlega við nemandann og gerir honum ljóst að ef ekki verði um bót að ræða muni hann hafa samband við forráðamenn. Umsjónarkennari fylgist með nemandanum.

Ath: Ef nemanda er vísað úr kennslustund, skal viðkomandi kennari hringja samdægurs heim til nemanda og tilkynna um málsatvik. Ef um er að ræða aðra óásættanlega hegðun á skólatíma skal viðkomandi starfsmaður hafa samband við umsjónarkennara og þeir hafi samráð um að hafa samband við foreldri. Hér er heimilt að nota R.

Ef lítið eða ekkert lagast hringir umsjónarkennari heim og skráir viðtalið í dagbók þar sem fram kemur: hvenær hringt, við hvern talað og niðurstaða.

Enn lagast lítið og vísar þá umsjónarkennari nemanda til deildarstjóra sem ræðir við nemandann. Hann skráir viðtalið í dagbók og tilkynnir forráðamönnum um það.

Ef deildarstjóri sér að athugasemdir halda áfram að berast frá starfsliði skólans sendir hann nemandann til skólastjórnenda, sem hringja heim og boða forráðamenn á sinn fund ásamt nemandanum. Gerður er samningur við nemandann þar sem hann ásamt forráðamönnum leggur til leiðir að bættri hegðun eða ástundun. Samninginn undirritar nemandinn, forráðamaður og skólastjórnandi. Umsjónarkennara er þá tilkynnt um málið og það skráð í dagbók. Jafnframt er nemandanum gert ljóst að ef hann standi ekki við gerðan samning muni það leiða til brottvísunar tímabundið og er þá máli hans vísað til skólaskrifstofu. Fræðslustjóri kallar nemandann og forráðamenn á sinn fund og vinnur síðan að úrlausn málsins í samráði við skólann.

Ef leita þarf til Fjölskyldu- og félagsþjónustu Reykjanesbæjar um úrræði ber skólaskrifstofu að vinna að framgangi málsins.

Ath. öll viðtöl skulu skráð, hverjir eru mættir, hvenær, og helstu málsatvik.

Samþykkt á kennarafundi 1.10.2003 

Allir starfsmenn skólans mæta á starfsmannafundi sem haldnir eru að jafnaði þriðju hverja viku. Þar er endanlega gengið frá ýmsum málum sem varða skólastarfið.

Stigsfundir eru haldnir þegar þörf er á til samræmingar á störfum innan hvers stigs. Nemendaverndarráðsfundir eru haldnir að hálfsmánaðarlega.

Skólastjórnendur funda auk þess með hagsmunaaðilum innan og utan skólans.

Eru í lok hverrar annar á skólaárinu. Foreldrar eru þá boðaðir til viðtals við umsjónarkennara sem hafa upplýsingar um gengi nemenda í öllum námsgreinum og athugasemdir annarra kennara ef einhverjar eru.

er starfandi við Holtaskóla. Félagar í því eru foreldrar og forráðamenn nemenda skól­ans. Markmið félagsins er að koma á sem bestu sambandi milli skólans og heimila nemenda, vinna að velferð nemenda og jafnframt að styrkja og efla skólastarf í hvívetna. Þessu markmiði hyggst félagið ná með því m.a. að standa fyrir fundum um uppeldi, aðstoða við félagsstörf og skemmtanir nemenda og efla hvert það starf innan skólans er ætla má að stuðli að auknum þroska nemenda. Kosnir eru a.m.k. 2 fulltrúar foreldra í hverjum bekk sem mynda með sér fulltrúaráð er vinnur í nánu samstarfi við stjórn foreldrafélagsins. Foreldrafélagið sendir út gíróseðla, einn á hvert heimili og er fjárhæðin notuð til að halda úti öflugu félagsstarfi og standa undir fyrirlestrum.

Á tímabilinu 1. sept. - 1. maí mega börn 12 ára og yngri ekki vera úti eftir kl 20.00 og unglingar á aldrinum 13-16 ára ekki eftir kl 22.00

Á tímabilinu 1. maí - 1. sept. mega börn 12 ára og yngri ekki vera úti eftir kl 22.00 og unglingar á aldrinum 13-16 ára ekki eftir kl 24.00

Undantekningar eru aðeins ef um er að ræða beina heimferð frá skólaskemmtun, íþróttaskemmtun eða annarri viðurkenndri æskulýðsstarfsemi. Einnig ef börnin eru í fylgd með fullorðnum aðstandendum sínum eða umsjónarmönnum

Sjá http://www.mentor.is

Skv. 16. grein grunnskólalaga starfar skólaráð við skólann. Það skipa; tveir fulltrúar foreldra: Jóhanna María Gylfadóttir og Baldur Guðmundsson, tveir fulltrúar kennara: Hafdís Friðriksdóttir og Hrafnhildur Hilmarsdóttir, tveir fulltrúar nemenda: Valgerður Magnúsdóttir og Unnur Ágústa Gunnarsdóttir auk skólastjóra, Jóhanns Geirdals, sem er formaður ráðsins.

hefur verið starfrækt frá 1991. Skólamatur.is býður upp á heitan mat í hádeginu og er markmiðið að bjóða upp á hollan og góðan heimilismat eftir manneldismarkmiðum. Heit máltíð er seld á 185 krónur ef nemandi er í áskrift, 312 krónur ef nemandi kaupir sér miða og 500 krónur ef að nemandi kaupir staka máltíð. Eldri nemendur geta keypt brauðmeti og drykki. Nemendur eru þrátt fyrir gott mötuneyti hvattir til að hafa með sér hollt og gott nesti að heiman. Á það skal bent að ekki er leyfilegt að nemendur komi með og borði sælgæti eða aðra óhollustu í skólanum. Mikið sælgætisát hefur slæm áhrif á námsþrek barna og unglinga.

skal tilkynna eins fljótt og unnt er og daglega. Forráðamenn skulu tilkynna veikindi eða önnur forföll á skrifstofu skólans í síma 420-3500.

Ef nemandi þarf að fá leyfi eða getur ekki tekið þátt í leikfimi eða sundi, þarf forráðamaður að hringja í skrifstofu skólans. Ritari útfyllir eyðublað sem nemendur afhenda íþróttakennurum. Ef leyfið er lengra en einn dagur skal sækja um það skriflega á þar til gerðum eyðublöðum. Öllum lengri leyfum skal vísað til skólastjórnar til umfjöllunar. Að gefnu tilefni skal bent á að í 8.grein laga um grunnskóla nr.66/1995 segir: "Sæki forráðamaður skólaskylds barns um tímabundna undanþágu þess frá skólasókn er skólastjóra heimilt að veita slíka undanþágu í samráði við umsjónarkennara telji hann til þess gildar ástæður. Forráðamaður skal þá sjá til þess að nemandinn vinni upp það sem hann kann að missa úr námi meðan á undanþágu stendur". Ákvæði í 5.og 7.grein sömu laga ber einnig að leggja til grundvallar við leyfisveitingar.

Foreldrar meta það hverju sinni hvort óhætt sé að senda nemendur í skólann vegna veðurs. Taki þeir ákvörðun um að senda börn sín ekki í skólann ber að tilkynna það til skólans.

Í 1. - 4. bekk hafa nemendur sínar heimastofur en í 5. - 10. bekk telst stofa umsjónar­kennara heimastofa og nemendur fara á milli stofa í hin ýmsu fög.

Í upphafi 8. bekkjar geta nemendur óskað eftir að fá afnot af skáp. Nemandinn greiðir kr. 1.500 í tryggingu fyrir lykil og leigu á skápnum sem hann er ábyrgur fyrir.

Í skápnum geta nemendur m.a. geymt útiföt, íþróttaföt og skó. Æskilegt er að nemendur noti inniskó í skólanum. Merkja skal skó og yfirhafnir nemenda með nafni og símanúmeri. Einnig námsbækur og aðra persónulega muni. Óskilamunir eru í vörslu umsjónarmanns fasteigna.

Á þriggja ára fresti er gefin út skólabók í Holtaskóla þar sem eru birtar myndir af nemendum og starfsfólki skólans.

Forvarnarstefna Holtaskóla

-          að efla nemendur sem samfélagsverur og gera þá færa um að taka ábyrgð á lífi sínu.

-          að nemendur læri að þekkja tilfinningar sínar og þarfir, leysa úr ágreiningi og leiðrétta mistök sín í samskiptum.

-          að allir innan skólans sameinist um ákveðin lífsgildi og að fáar en traustar reglur og standi vörð um þau.

-          að efla skólann sem umhyggjusamt samfélag og vinna markvisst gegn einelti og annarri félagslegri útskúfun.

-          að efla sjálfsmynd og sjálfstraust nemenda svo þeir geti tekið afstöðu gegn vímuefnum og staðið á móti neikvæðum félagslegum þrýstingi.

-          að fræða nemendur um skaðsemi vímuefna og stuðla að hollum lífsháttum.

-          að eiga öflugt samstarf við foreldra, ráðgjafa Fræðsluskrifstofu, félagsstarf á vegum bæjarins, heilsugæslu, félagsþjónustu og lögreglu um samræmdar aðgerðir er varða heill nemenda.

Einelti er langvarandi ofbeldi, líkamlegt eða andlegt, þar sem einn eða fleiri níðast á þeim sem ekki kemur vörnum við. Einelti felur í sér misbeitingu á valdi, þar sem gerandinn beitir hótunum og vill ráða yfir þolandanum.  

Einelti birtist í mörgum myndum s.s:

-          Líkamlegt: barsmíðar, spörk, hrindingar, skemmdarverk.

-          Munnlegt: uppnefni, niðrandi athugasemdir og endurtekin stríðni.

-          Óbeint: baktal, útskúfun, eða útilokun úr félagahópi.

Ef einelti á sér stað er þegar rætt við þolanda og reynt að skilgreina vandann. Þá er rætt við geranda og honum gerð grein fyrir athæfinu ásamt því að kynna honum viðhorf þolandans. Ef nauðsyn krefur er einnig rætt við bekkjarfélaga eða þá sem eru meðvirkir með því að aðhafast ekkert til að sporna við eineltinu.

Foreldrum geranda og þolanda er gerð grein fyrir eineltinu og aðferðum skólans til að stöðva það og foreldrar beðnir um aðstoð við eftirfylgni og meðferð málsins. Erfiðari mál getur verið nauðsynlegt að taka fyrir í nemendaverndarráði og kalla til aðstoðar námsráðgjafa, sálfræðing eða aðra sérfræðinga. Nánar um einelti

Innan skólans eru nemendur með margþætta hæfileika og ber skólanum að stuðla að tækifærum til að þeir fái að þroska þá með því að koma fram í nafni skólans innan hans og utan. Samkvæmt 34. gr. grunnskólalaga skal nemendum í grunnskólum gefinn kostur á að taka þátt í tómstunda- og félagsstörfum á vegum skólans.
Markmið Holtaskóla er að nemendur móti sjálfir sitt félagslíf og stjórni því undir handleiðslu kennara skólans. Í byrjun hvers skólaárs er einum kennara falið að vinna með nemendaráði að félagsstarfseminni í skólanum.

Reglubundið félagslíf skólans byggist einkum á ýmsum skemmtunum eða öðrum samkomum að jafnaði tvisvar í mánuði hjá miðstigi og tvisvar sinnum á hvorri önn hjá yngsta stigi. Auk þessa eru ýmsar aðrar upppákomur t.d. tengdar jólum, árshátíð, skíða- skauta og skólaferðalögum, náms og kynnisferðum sem nemendaráð kemur að í samráði við skólastjórn.

Gunnlaugur Kárason er umsjónarmaður félagsstarfs starfsárið 2009 – 2010.

Nemendaráði er ætlað að vinna að félags-, hagsmuna-og velferðarmálum nemenda.
Íþróttaráð stendur fyrir frjálsri íþróttaiðkun nemenda, íþróttakeppnum milli bekkja og árganga og íþróttamótum milli skóla.

Sjá heimasíðu foreldrafélagsins: http://www.holtaskoli.is/Foreldrafelag

Eða http://www.mentor.is

Heilsuvernd í skólum er í höndum hjúkrunarfræðinga, sjúkraliða og lækna Heilbrigðisstofnunar Suðurnesja, heilsugæslusviðs. Markmiðið er að fylgjast með andlegum, félagslegum og líkamlegum þroska nemenda og aðbúnaði, ásamt því að veita ráðgjöf og gera ráðstafanir til lagfæringa, ef eitthvað er að.
Með góðri samvinnu heimila og skóla má oft leysa hin ýmsu vandamál og koma í veg fyrir önnur.

Hefðbundnar læknisskoðanir í skólum hafa verið felldar niður, en skólalæknir er við hvern skóla og sinnir hann þeim börnum sem hjúkrunarfræðingur telur að þurfi frekari skoðun. Auk þess er hann ráðgefandi aðili í málum er snerta ónæmisaðgerðir barna, vöxt og þroska o.fl. Auk ónæmisaðgerða sjá skólahjúkrunarfræðingar og sjúkraliðar sameiginlega um skólaskoðanirnar í þeim bekkjum sem við á og eru sem hér segir:

-          1. bekkur: Hæð, þyngd, heyrnar- og sjónpróf. 5 og  ½ árs skoðun er nú komin í stað hinnar hefðbundnu 6 ára læknisskoðunar.

-          4. bekkur: Hæð, þyngd og sjónpróf.

-          7. bekkur: Hæð og þyngd. Sjónpróf og litaskyn athugað. Nákvæm líkamsskoðun m.t.t. hryggjar. Ónæmisaðgerðir gegn hettusótt rauðum hundum og mislingum Send er tilkynning heim með nemendum fyrir ónæmisaðgerðina.

-          9. bekkur: Hæð, þyngd, sjón- og heyrnarpróf og blóðþrýstingur mældur. Ónæmisaðgerð gegn mænusótt (polio) og barnaveiki og stífkrampa (dT). Send er tilkynning heim með nemendum fyrir ónæmisaðgerðina. Nemendur fylla út eyðublaðið sjálfsmat á heilbrigði, ef ástæða þykir til kallar hjúkrunarfræðingur nemanda til sín og ræðir útkomu sjálfsmatsins.

-          10. bekkur: Hæð, þyngd og sjónpróf. Einstaklingsfræðsla hjá hjúkrunar­fræðingi.

-          Berklapróf eru nú ekki framkvæmd hjá öllum börnum eins og áður, heldur einungis samkvæmt tilmælum Landlæknisembættisins. Þau börn sem þurfa að gangast undir slíkt próf fá senda tilkynningu með sér heim þar að lútandi.

Fylgst er nánar en að framan er talið með þeim börnum er þurfa þykir, s.s. vegna sjúkdóma, þroskafrávika, félagslegra erfiðleika eða ef foreldrar óska eftir því.

Nemendur geta haft tal af hjúkrunarfræðingi þegar hann hefur viðveru í skólanum og samkvæmt nánara samkomulagi. Hverjum nemanda skólans er gert kleift að hitta starfsfólk skólaheilsugæslu a.m.k. einu sinni á ári við heilsufarsskoðun.

Sjúkraliðar starfa við skólaheilsugæsluna og sjá um flúorgjafir og heilsufarsskoðanir. Hjúkrunarfræðingur sér um heilsufarsskoðanir, ónæmisaðgerðir auk annarra verkefna. Ef vantar upp á ónæmisaðgerðir barnanna er bætt úr því í samráði við foreldra.

Foreldrar geta einnig haft tal af skólahjúkrunarfræðingi þá daga sem hann hefur auglýsta viðveru í skólanum, fengið heilsufarsráðleggingar eða ráðgjöf um það sem þeim liggur á hjarta og snertir velferð barnsins. Upplýsingar um viðverutíma skólahjúkrunarfræðings fást hjá skólaritara. Ef ekki næst í hjúkrunarfræðing í skóla er hægt að skilja eftir skilaboð á Heilbrigðisstofnun Suðurnesja.

Slasist barnið í skólanum veita skólahjúkrunarfræðingur eða starfsfólk skyndihjálp. Þurfi barnið að fara á slysadeild, er æskilegt að foreldrar fari sjálfir með barnið. Ef ekki næst í foreldra fer skólahjúkrunarfræðingur eða ábyrgur aðili frá skólans hendi með barnið. Nauðsynlegt er að hafa símanúmer foreldra bæði heima og á vinnustað í skýrslum barnsins í skólanum.

Í flestum skólum eru einhver börn sem þurfa að taka inn lyf á skólatíma. Í engum tilvikum getur barn borið ábyrgð á lyfjatökunni. Ábyrgðin er foreldra en skólahjúkrunarfræðingar og starfsmenn skóla aðstoða barnið við lyfjatökuna.

Hjúkrunarfræðingur skólans skal hafa upplýsingar um allar lyfjagjafir barna í skólanum.

Lyf barnsins eru tekin til í apóteki sem foreldrar ákveða og mun hjúkrunarfræðingur skólaheilsugæslu sækja vikuskammt í apótekið. Hjúkrunarfræðingur hefur yfirumsjón með lyfjagjöf barnanna í skólanum. Ef hjúkrunarfræðingur getur ekki gefið barninu lyf á skólatíma skal hann ásamt skólayfirvöldum gera ákveðinn aðila innan skólans ábyrgan fyrir lyfjagjöf barnsins. Skólinn ákveður hvort fleiri en einn aðili sjái um lyfjagjöf barnsins, en reynt er að hafa þann háttinn á að einn aðili innan skólans sjái um afhendingu lyfja. Hjúkrunarfræðingur heldur utan um lyfjagjafir í skólum með markvissri skráningu og hefur þar samvinnu við foreldra barnsins.

Foreldrar eru minntir á að athuga vel hár og hársvörð barna sinna þar sem lúsar verður vart á hverju hausti.

Samkvæmt tilmælum sóttvarnalæknis skal nú skrá öll tilfelli lúsa sem upp koma í skólum. Mælst er til þess að skólahjúkrunarfræðingar skrái þau skólabörn og starfsfólk skólanna sem fá lús. Hlutverk skólahjúkrunarfræðings felst ekki í því að leita lúsa eða kemba börnunum heldur vera ráðgefandi meðferðaraðili til foreldra. Því er þeim tilmælum beint til foreldra og forráðamanna barna að láta skólahjúkrunar­fræðing vita ef barn þeirra fær lús. Farið er með þessar upplýsingar sem trúnaðarmál eins og sjúkraskrárupplýsingar.

Tekið hefur verið upp samræmt eftirlit tengt tannheilsu nemenda í Reykjanesbæ, Garði, Sandgerði, Vogum og Grindavík. Blöð eru send heim til nýrra nemenda í skólum og til nemenda 1. bekkjar að hausti, til að upplýsingar fáist um hvaða tannlæknir sinnir nemanda. Blaðið er síðan sent viðkomandi tannlækni sem staðfestir eftirlitið. Ef barn hefur ekki mætt reglulega til tannlæknis kemur hann athugasemdum á framfæri við skólahjúkrunarfræðing.

Hjúkrunarfræðingur sinnir fræðslu í öllum árgöngum samkvæmt óskum skólans. Boðið er upp á fræðslu sem hér segir:

Móttaka fyrir ungt fólk 13-20 ára. Opið á mánudögum milli klukkan 17:00 og 18:00 á Heilbrigðisstofnun Suðurnesja, á skrifstofu skólahjúkrunar í D-álmu. Síminn er 422-0622 og 860-0161. Netfangið er unglingar@hss.is.

Starfsfólk Skólaskrifstofu Reykjanesbæjar annast ráðgjöf og greiningar í Holtaskóla. Sálfræðingur er með viðtalstíma í skólanum en greiningar fara fram á skólaskrifstofu. Sérkennslufulltrúi og kennsluráðgjafi annast ráðgjafar-og leiðbeiningastarf við starfsfólk skólans.

Í Holtaskóla er starfandi áfallaráð og áfalla handbók sem það styðst við þegar þörf krefur. Handbókin er á vefsvæði skóland og á skrifstofu skólastjóra.

Nemandi, starfsmaður, forráðamenn eða systkini nemanda geta orðið fyrir alvarlegu áfalli. Slík áföll geta verið af völdum dauðsfalla, slysa, alvarlegra og/eða langvarandi veikinda, líkamsárása, náttúruhamfara og annarra þátta sem samkvæmt mati áfallaráðs veldur áfalli hjá nemanda eða starfsfólki.

-          Alvarleg slys eða dauðsfall nemanda, þ.m.t. sjálfsvíg.

-          Alvarleg slys eða dauðsfall foreldra eða annarra náinna ættingja.

-          Alvarleg slys eða dauðsfall starfsmanns.

-          Alvarleg og/eða langvarandi veikindi.

-          Alvarlega líkamsárás.

-          Slys í skólanum eða vettvangsferðum, sundi o.þ.h.

Fangelsun náins ættingja.

Mannshvarf

Náttúruhamfarir

-          Jóhann Geirdal, skólastjóri                                         898-4808

-          Eðvarð Þór Eðvarðsson, aðstoðarskólastjóri              842-5640

-          Elín Jakobsdóttir, skólahjúkrunarfræðingur.

-          Sigríður Bílddal, námsráðgjafi.

-          Ísak Leifsson, umsjónarmaður fasteigna.

Til að standa sem best og faglegast að yfirfærslu nemenda úr leikskóla í grunnskóla er stuðst við áætlun um kynningu á Holtaskóla. Um er að ræða nemendaheimsóknir og samstarf við leikskóla og kynningarfund, námskeið og annað samstarf við foreldra. Sjá nánar áætlun um móttöku nýrra nemenda í 1. bekk.