Reglur um meðferð agamála

  1. Ef um agavandamál og/eða vanrækslu á námi er að ræða hjá nemanda ber kennara/starfsmanni að skrá það í dagbók og tilkynna til umsjónarkennara.
  2. Umsjónarkennari ræðir þá formlega við nemandann og gerir honum ljóst að ef ekki verði um bót að ræða muni hann hafa samband við forráðamenn.  Umsjónarkennari fylgist með nemandanum.

    Ath:  Ef nemanda er vísað úr kennslustund, skal viðkomandi  kennari hringja samdægurs heim til nemanda og tilkynna um málsatvik.  Ef um er að ræða aðra óásættanlega hegðun á skólatíma skal viðkomandi starfsmaður hafa samband við umsjónarkennara og þeir hafi samráð um að hafa samband við foreldri.  Hér er heimilt að nota R.
  3. Ef lítið eða ekkert lagast hringir umsjónarkennari heim og skráir viðtalið í dagbók þar sem fram kemur: hvenær hringt, við hvern talað og niðurstaða.
  4. Enn lagast lítið og vísar þá umsjónarkennari nemanda til  deildarstjóra sem ræðir við nemandann.  Hann skráir viðtalið í dagbók og tilkynnir forráðamönnum um það.
  5. Ef deildarstjóri  sér að athugasemdir halda áfram að berast frá starfsliði skólans sendir hann nemandann til skólastjórnenda, sem hringja heim og boða forráðamenn á sinn fund ásamt nemandanum.  Gerður er samningur við nemandann þar sem hann ásamt forráðamönnum leggur til leiðir að bættri hegðun eða ástundun.  Samninginn undirritar nemandinn, forráðamaður og skólastjórnandi.  Umsjónarkennara er þá tilkynnt um málið og það skráð í dagbók.  Jafnframt er nemandanum gert ljóst að ef hann standi ekki við gerðan samning muni það leiða til brottvísunar tímabundið og er þá máli hans vísað til skólaskrifstofu.  Fræðslustjóri kallar nemandann og forráðamenn á sinn fund og vinnur síðan að úrlausn málsins í samráði við skólann.
  6. Ef leita þarf til Fjölskyldu- og félagsþjónustu Reykjanesbæjar um úrræði ber skólaskrifstofu að vinna að framgangi málsins.

1. þrep
I. skráning		 Kennarar
starfsfólk		 Kennurum og starfsfólki skólans ber að gera skriflega athugasemd í dagbók um þá nemendur sem brjóta af sér og taka ekki tiltali. Starfsfólk sem ekki hefur aðgang að Stundvísi láti skólaritara vita og hann skráir í dagbók.
II. skráning Umsjónarkennari
nemandi		 Umsjónarkennari ræðir við nemandann, skráir viðtalið og fylgist með nemandanum.
2. þrep
III. skráning

Umsjónarkennari
foreldrar

 Umsjónarkennari ræðir við foreldra og skráir viðtalið. Leysist málið ekki vísar hann því til deildarstjóra.
IV. skráning Deildarstjóri
nemandi		 Deildarstjóri ræðir við  nemanda og foreldra og skráir viðtalið í dagbók.  Beri það ekki árangur vísar hann málinu til skólastjóra.
3. þrep Skólastjórn
forráðamenn
nemandi		 Forráðamenn mæta með nemandanum og gerður er skriflegur samningur milli aðila
  Skólaskrifstofa Ef samningurinn er ekki haldinn skal nemanda vísað tímabundið úr skóla og úrlausn fundin fyrir hann í samráði við skólamálaskrifstofu.

Ath. öll viðtöl skulu skráð, hverjir eru mættir, hvenær, og helstu málsatvik.

Samþykkt á kennarafundi 1.10.2003