Forvarnardagur

Líkt og hin fyrri ár var dagskrá og verkefnavinna fyrir 9. bekkinga í tilefni af Forvarnardegi.  Forvarnardagurinn er haldinn að frumkvæði forseta Íslands í samvinnu við Samband íslenskra sveitarfélaga, Íþrótta- og Ólympíusamband Íslands, Ungmennafélag Íslands, Bandalag íslenskra skáta, Reykjavíkurborg, Háskóla Íslands og Háskólann í Reykjavík.
Arngrímur Ingimundarson frá Keflavík íþrótta- og ungmennafélagi kynnti dagskrána. Að því loknu hlýddu nemendur á hvatningarorð forseta Íslands og nokkurra þjóðþekktra einstaklinga sem lögðu áherslu á vímuefnalausa æsku, samveru með sínum nánustu og þátttöku í íþrótta- og félagsstarfi.