Skóli og skólaforeldrar - erindi fyrir foreldra

FFGÍR hefur fengið Nönnu Kristínu Christiansen til að halda erindi um Skóla og skólaforeldra og býður alla skólaforeldra og kennara velkomna á meðan húsrúm leyfir.

Í erindinu verður m.a. fjallað um hvernig góðir skólaforeldrar ættu að vera til að börnum þeirra farnist sem best?

Rannsóknir sýna að áhrif skólaforeldra á námsárangur og líðan barna þeirra í skólanum eru enn meiri en almennt var álitið. Foreldrar eru því sérstaklega hvattir til að koma og fræðast um hvernig þeir geti gert betur. Í lok erindisins verður boðið upp á fyrirspurnir og umræður.

Nanna Kristín er höfundur bókarinnar Skóli og skólaforeldrar - ný sýn á samstarfið um nemandann. Bókin hefur fengið góða dóma bæði frá fagfólki og skólaforeldrum.

 

 ,,Mér finnst að allir kennarar þurfi að lesa þessa bók, svo ég tali nú ekki um foreldra" af vef bókarinnar: http://www.skolaforeldrar.com

Foreldrar látum þetta tækifæri ekki framhjá okkur fara. Erindið verður flutt mánudaginn 15.nóvember kl.17:30 til 18:30 í fyrirlestrasal Fjölbrautaskóla Suðurnesja við Sunnubraut.