Holtaskóli

Starfsdagar og vetrarfrí

Fri, 16 Oct 2026 11:48:00 +0000

Í næstu viku eru starfsdagar miðvikudaginn 21. og fimmtudaginn 22. október. Vetrarfrí er dagana 23. og 26. október. Engin kennsla er þessa daga og frístund er lokuð.

Holtaskóli fær snjallsjónauka að gjöf

Wed, 14 Oct 2026 15:19:00 +0000

Á mánudaginn fékk Holtaskóli að gjöf snjallsjónauka af tegundinni Seestar S30 Pro Total Solar Eclipse Edition. Þessi tegund er viðhafnarútgáfa af vinsælum snjallsjónauka og mun nýtast vel, bæði til að skoða himingeiminn, t.d. sól, tungl og reikistjörnur, en einnig aðra hluti í náttúrunni svosem fugla og dýr.

Ævar Þór rithöfundur í heimsókn

Fri, 02 Oct 2026 14:54:00 +0000

Á mánudaginn kom Ævar Þór Benediktsson rithöfundur í heimsókn og las upp úr væntanlegri bók sinni, Teiknimyndaráninu, fyrir nemendur 5.-7. bekkja. Bókin fjallar um 12 ára gamlan strák sem ákveður að fremja svakalegasta rán Íslandssögunnar þegar hann kemst að því að besti vinur hans er að fara að flytja af landi brott.

Samskiptadagur, þriðjudaginn 6. október

Fri, 02 Oct 2026 14:42:00 +0000

Samskiptadagur verður í Holtaskóla þriðjudaginn 6. október næstkomandi en þennan dag mæta foreldrar og nemendur til viðtals til umsjónarkennara. Bókun viðtala fer fram á www.mentor.is en skráningu lýkur í dag, föstudag.

Setning Ljósanætur og Ljósanæturpartý

Fri, 04 Sep 2026 13:45:00 +0000

Í gær var Ljósanótt sett í skrúðgarðinum við hátíðlega athöfn. 3., 7. og 10. bekkur gengu saman yfir í skrúðgarðinn og hlýddu þar á Vilhjálm Árnason, bæjarstjóra Reykjanesbæjar, flytja erindi, Ljósanæturfáninn var dreginn að húni og hátíðin formlega sett.

Skólasetning Holtaskóla

Fri, 21 Aug 2026 09:02:00 +0000

Skólasetning Holtaskóla fer fram þriðjudaginn 25. ágúst. Nemendur í 6.-10. bekk mæta kl. 9:00 og nemendur í 1.-5. bekk mæta kl. 10:30. Bekkir verða sýnilegir í Mentor mánudaginn 24. ágúst. Við hvetjum alla foreldra/forráðamenn til að mæta með börnum sínum, en kennarar munu fara yfir mikilvæga þætti í skólastarfinu.

Skólasetning grunnskóla

Thu, 20 Aug 2026 14:04:00 +0000

Nú líður senn að því að nemendur grunnskóla Reykjanesbæjar hefji störf. Þriðjudaginn 25. ágúst eru skólasetningar en nánari upplýsingar fyrir hvern skóla eru birtar á heimasíðum þeirra. 301 fyrstu bekkingar eru nú að hefja grunnskólanám og taka sín fyrstu skref inn í grunnskólana okkar. 235 af þeim hafa mætt í sumarfrístund og fengið tækifæri til þess að kynnast nýjum skólafélögum og aðlagast nýjum aðstæðum í skólanum sínum.

Sumarfrí

Fri, 19 Jun 2026 14:24:00 +0000

krifstofa skólans er lokuð frá og með 22. júní og opnar aftur 6. ágúst kl. 9:00. Sumarfrístund fyrir þá nemendur sem þar eru skráðir og eru að hefja nám í 1. bekk hefst 11. ágúst. Til að skrá nemendur í skólann skal gera það í gegnum Island.is.

Sjálfsmatsskýrsla Holtaskóla

Tue, 16 Jun 2026 08:06:00 +0000

Sjálfsmatsskýrsla Holtaskóla fyrir skólaárið 2025-2026 hefur verið birt á heimasíðu skólans og má finna hér. Skýrslunni er ætla að greina og meta starf skólans með það að markmiði að bæta gæði skólastarfsins, en þar eru greindir styrkleikar skólans sem og umbótartækifæri.

Skólaslit og útskrift 10. bekkja 2026

Mon, 15 Jun 2026 15:01:00 +0000

Miðvikudaginn 10. júní, fóru fram skólaslit og útskrift 10. bekkja í Hljómahölli. Skólaslit hjá yngra stigi hófst kl. 9:00 og eldra stigi kl. 10:30. Nemendur í 1.-9. bekk komu í stafrófsröð upp á svið og fengu afhent umslag frá umsjónarkennurum sínum með vitnisburðarblaði, hrósskjölum, framvindu í lesferli og samantekt úr Læsi. Helga Hildur, skólastjóri Holtaskóla flutti ávarp þar sem hún fór yfir helstu viðburði skólaársins, ræddi um hversu þakklát hún er fyrir skólasamfélagið okkar, minnti nemendur á að vera duglegir að lesa og hversu ánægjulegt það verður að sameinast undir einu þaki á næsta skólaári.

Skólaslit og útskrift 10. bekkja 2026

Mon, 15 Jun 2026 15:01:00 +0000

Námsmat nemenda – leiðbeiningar

Wed, 10 Jun 2026 07:14:00 +0000

Nú í lok skólaársins er allt námsmat skólaársins sýnilegt foreldrum/forráðamönnum á Mentor. Við minnum á bækling skólans um námsmat en hann má finna hér. Hægt er að skoða námsmat nemenda í smáforriti Mentor í snjalltæki en ítarlegri upplýsingar eru aðgengilegar inn á www.mentor.is.

Holtasprettur og vorhátíð 2026

Tue, 09 Jun 2026 23:11:00 +0000

Í gær var haldinn Holtasprettur, en þá kepptu nemendur í margvíslegum þrautum þar sem markmiðið var að standa uppi sem sigurvegari síns stigs. Veður var með betra móti og var Holtasprettur því haldinn að mestu leyti úti á skólalóð, en þrjár stöðvar voru inn í skólanum. Nemendur kepptu í pútti, stígvélakasti, negldu nagla í spýtu, pöruðu saman samstæður, keilu, fótbolta og fleirri skemmtilegum þrautum.

Holtasprettur, vorhátíð og skólaslit

Tue, 02 Jun 2026 10:20:00 +0000

Upplýsingar um síðustu dagana þetta skólaárið. Holtasprettur mánudaginn 8. júní kl. 09:30-11:00 Nemendur mæta í heimastofu kl. 09:30. Dagskráin hefst kl. 09:40 og lýkur um kl.11:00. Holtasprettur er keppni í fjölbreyttum þrautum sem gefa stig.

Opnað fyrir umsóknir í vetrarfrístund

Fri, 29 May 2026 16:08:00 +0000

Opnað hefur verið fyrir umsóknir í frístundaheimili grunnskólanna fyrir skólaárið 2026 – 2027. Umsóknir eru fyrir börn í 1. – 4. bekk. Sótt er um í gegnum Mitt Reykjanes, þar sem finna má tengil í umsóknarkerfið Völu frístund.

Skráning í sumarfrístund hafin fyrir börn fædd 2020

Wed, 06 May 2026 14:40:00 +0000

Frístundaheimili grunnskólanna (Sumarfrístund), fyrir tilvonandi 1. bekkinga (börn fædd 2020), verða opin frá 11. ágúst til skólasetningar. Markmiðin með þessari opnun eru m.a. að brúa bilið milli leik- og grunnskólagöngu nemenda, að aðlögun nýrra leikskólabarna geti hafist sem fyrst að hausti og að aðlaga tilvonandi 1. bekkinga í grunnskólann sinn.

Stjörnu-Sævar heimsækir Holtaskóla

Wed, 06 May 2026 14:22:00 +0000

Sævar Helgi Bragason, einnig þekktur sem Stjörnu-Sævar, kom og heimsótti alla nemendur Holtaskóla í síðustu viku og fræddi þá um almyrkva sem verður 12. ágúst.

Páskaleyfi

Sun, 29 Mar 2026 20:46:00 +0000

Páskaleyfi nemenda og starfsfólks hefst mánudaginn 30. mars Kennsla hefst aftur samkvæmt stundaskrá þriðjudaginn 7. apríl.

Árshátíð Holtaskóla 2026

Fri, 27 Mar 2026 13:01:00 +0000

Árshátíð Holtaskóla var haldin í dag í íþróttahúsinu við Sunnubraut. Þema árshátíðarinnar í ár var bíómyndir og íþróttir, en nemendur fengu að velja þema hátíðarinnar á lýðræðisráðsfundum og kosningu.

Appelsínugul veðurviðvörun í gildi á morgun

Wed, 25 Mar 2026 14:26:00 +0000

Veðurstofa Íslands hefur gefið út appelsínugula veðurviðvörun sem gildir frá kl. 07:00 til 13:00 á morgun, 26. mars. Neyðarstjórn sveitarfélagsins hefur farið yfir stöðuna og fer skólastarf fram að svo stöddu nema annað verði sérstaklega tilkynnt.