Holtaskóli – skipulag frá 15. nóvember

Frá mánudeginum 15. nóvember er grunnskólastarfið með eftirfarandi hætti. Tilhögun skólastarfsins getur verið ólíkt milli skóla þar sem aðstæður eru mismunandi.

Í Holtaskóla byggist skipulagið á eftirfarandi þáttum:

Í grunnskólanum gilda almennar reglur um 50 manna fjöldatakmörk;

  • Í sameiginlegum rýmum skóla, svo sem við innganga, í anddyri, á salerni, göngum og í matsal er heimilt að víkja frá fjöldatakmörkun.
  • Einnig eiga fjöldatakmarkanir ekki við um frímínútur á skólalóð

Nálægðarmörk eru 1 metri milli ótengdra aðila;

  • Ef ekki er hægt að virða mörkin er skylt að nota andlitsgrímu.
  • Íþróttir með snertingu eru áfram heimilar hjá börnum og fullorðnum. Enn fremur eru nemendur í 1. til 4. bekk undanþegin 1 metra reglunni.
  • Þá er heimilt að víkja frá 1 metra nálægðartakmörkun milli nemenda í grunnskólum þar sem henni verður ekki viðkomið.

Nemendur í 1. – 10. bekk eru undanþegin grímuskyldu;

  • Starfsfólk skal nota andlitsgrímur þar sem ekki er unnt að tryggja nálægðartakmörkun.
  • Starfsfólki er heimilt að taka niður grímu eftir að sest er niður inni í skólastofum.
  • Blöndun milli hópa er heimil.
  • Foreldrar og aðstandendur skulu almennt ekki koma inn í skólabyggingar nema brýna nauðsyn beri til. Stjórnendum grunnskóla er heimilt að krefja foreldra, þurfi þeir að koma inn í skólabyggingu, um að nota andlitsgrímur.

Við hvetjum alla til þess að gæta að persónulegum smitvörnum, minnum á mikilvægi handþvottar og notkun spritts.

Við erum í þessu saman.