Fréttir

Starfsdagur er í Holtaskóla miðvikudaginn 28. janúar. Þann dag er engin kennsla hjá nemendum og frístund lokuð. Fimmtudaginn 29. janúar er samskiptadagur í Holtaskóla, en þann dag mæta foreldrar og nemendur til viðtals við umsjónarkennara.

Kæru foreldrar, forráðamenn og nemendur Við óskum ykkur öllum gleðilegra jóla og góðra samverustunda yfir hátíðina. Þökkum fyrir gott og gæfuríkt samstarf á árinu sem er að líða.

Læsisteymi Holtaskóla sendir jólalestrarbingó heim með nemendum í 1.-5. bekk í dag. Þeir nemendur sem fylla alla níu reitina í bingóinu fara í pott en einn heppinn vinningshafi verður dreginn út í hverjum árgangi í byrjun janúar.

Á þemadögunum í lok nóvember bjuggu nemendur til ýmsan varning sem var seldur á föstudeginum. Markmiðið var að safna fjármunum til að styrkja góð málefni og völdu nemendur að styrkja tvö málefni. Í heildina safnaðist tæplega 400.000 kr og ákveðið var að styrkja Hróa hött um 100.000 kr og Minningarsjóð Ölla um 300.000 kr.

Hefð hefur verið fyrir því í Holtaskóla að 5. bekkur setji á svið helgileik. Að þessu sinni var hann sýndur í Hljómahöll og voru nemendur 1.-4. bekkjar áhorfendur ásamt foreldrum nemenda í 5. bekk.

Í dag var notaleg samverustund nemenda þar sem lestrarvinir hittust á Malarvellinum. Nemendur lásu saman sögur, lituðu jólamyndir og gæddu sér á heitu súkkulaði með rjóma og piparkökum.

Bjarni Fritz kom á miðvikudaginn og las fyrir nemendur í 2.-6. bekk á sal skólans. Bjarni vakti mikla lukku en hann las úr nýjustu bók sinni um Orra óstöðvandi.

Þemadagar Holtaskóla stóðu yfir dagana 24.-28. nóvember. Þessa daga einblíndum við á jákvæð samskipti en sérstök áhersla var lögð á einkunnarorð skólans sem eru virðing, ábyrgð, virkni og ánægja.

Hér má finna dagskrána okkar í desember, en hún er með hefðbundnu sniði. Lestrarvinir hittast, í boði verður heitt kakó og piparkökur, 5. bekkur sýnir helgileik í Hljómahöllinni og jólabíó er á sínum stað. Stofujól verða svo föstudaginn 19. desember.

Starfsáætlun Holtaskóla og Eikarinnar fyrir skólaárið 2025-2026 var samþykkt af skólaráði 5. nóvember og í menntaráði Reykjanesbæjar 14. nóvember 2025.