Fréttir

Í dag voru jólin haldin hátíðleg í Holtaskóla með jólaballi í Stapanum.

Nú er stutt eftir af skólanum áður en jólaleyfi hefst. Á morgun verður sýnd jólamynd í öllum árgöngum. Leyfilegt er að hafa með sér snakk og gos (athugið að orkudrykkir eru ekki leyfðir) og frjálst nesti.

Aðventan senn að ganga í garð, tími ljóss og friðar. Starfsfólk Holtaskóla hefur undirbúið fjölbreytta dagskrá af því tilefni sem sjá má í viðhengi. Föstudaginn 1. desember verður skólinn færður í jólabúning.

Fimmtudaginn 23. nóvember verður starfsdagur hjá okkur í Holtaskóla. Þennan dag ætlum við að nýta í fræðslu og undirbúning skólastarfsins.

Fimmtudaginn 19. október ætlum við í Holtaskóla að halda upp á bleika daginn. Við hvetjum því nemendur og starfsmenn til að klæðast einhverju bleiku þann dag.

Þriðjudaginn 3. október er komið að fyrsta samskiptadegi skólaársins. Þá mætir nemandi ásamt foreldri/forráðamanni til viðtals til umsjónarkennara. Frístund er opin fyrir þá nemendur sem þar eru skráðir. Síðasti dagurinn til að skrá sig í viðtal á Mentor er á morgun, laugardaginn 30. september.

Skólasetning Holtaskóla fer fram miðvikudaginn 23. ágúst og er dagurinn skertur nemendadagur. Umsjónarkennarar taka á móti nemendum sínum og hvetjum við alla foreldra/forráðamenn til að mæta með börnum sínum en kennarar munu fara yfir nokkra mikilvæga þætti í skólastarfinu.

Frístund Holtaskóla opnar 9. ágúst næstkomandi fyrir tilvonandi 1. bekkinga sem þar eru skráðir. Að þessu sinni verður frístundin staðsett í íþróttahúsinu við Sunnubraut.