Námsver

Samkvæmt grunnskólalögum eiga allir nemendur rétt á að fá kennslu við sitt hæfi. Sérkennsla er ein af mörgum leiðum til að ná þessu markmiði og stefnt er að því að hún verði eðlilegur þáttur í skólastarfinu. Því meiri þátt sem foreldrar og fjölskyldur nemenda eiga í því að taka ákvörðun um sérkennslu fyrir börn sín því meiri líkur eru til að sérkennslan nái tilætluðum árangri.

Samkvæmt grunnskólalögum eiga allir nemendur rétt á að fá kennslu við hæfi. Sérkennsla er ein af mörgum leiðum til að ná þessu markmiði og stefnt er að því að hún verði eðlilegur þáttur í skólastarfinu. Því meiri þátt sem foreldrar og fjölskyldur nemenda eiga í því að taka ákvörðun um sérkennslu fyrir börn sín því meiri líkur eru á því að sérkennslan nái tilætluðum árangri.

Þrjú námsver eru við skólann, fyrir nemendur í 1.-5. bekk, sem er staðsett á malarvellinum, og fyrir nemendur í 6.-7. bekk og 8.-10. bekk í Holtaskóla. Námsverskennari ber ábyrgð á að útbúa einstaklingsnámsskrá fyrir nemendur sem sækja námsverið og víkja frá í námi. Nemendur námsvera eru skráðir í bekki en meginverkefni umsjónarkennara er að gæta félagslegrar stöðu nemenda með því að tryggja gott upplýsingastreymi til námsverskennara svo nemendur séu virkir þátttakendur í samfélagi skólans.

Bryndís Gísladóttir stýrir námsveri yngsta stigs og þjónustar 1.-5. bekk. Aðaláhersla er á lestur, lesskilning og talnaskilning. Salbjörg Júlía Þorsteinsdóttir stýrir námsveri miðstigs og þjónustar 6.-7. bekk. Sigurbjörg Jónsdóttir stýrir námsveri eldra stigs og þjónustar þar nemendur 8.-10. bekk. Metið er út frá þörfum hvers og eins hvaða fög eru sótt í námsverið og hvernig námið er skipulagt. Unnið er markvisst með umsjónarkennara og foreldrum að skipulagi og utanumhaldi nemenda.

Í Holtaskóla koma sjálfboðaliðar fimm daga í viku, þetta eru svokallaðar lestrarömmur. En þær koma og hlusta á nemendur lesa sem þurfa aukaaðstoð með lestrarnámið.