Helgileikur í sýningu 5. bekkjar

Hefð hefur verið fyrir því í Holtaskóla að 5. bekkur setji á svið helgileik. Að þessu sinni var hann sýndur í Hljómahöll og voru nemendur 1.-4. bekkjar áhorfendur ásamt foreldrum nemenda í 5. bekk.

Frammistaða nemenda var til fyrirmyndar og var augljóst að mikil vinna og stífar æfingar lágu að baki sýningunni bæði hjá nemendum og kennurum. Í lok sýningar sungu nemendur saman nokkur jólalög áður en haldið var aftur í Holtaskóla. Nemendur 1.-4. bekkjar fá sérstaklega hrós fyrir að vera góðir áhorfendur, en framkoma þeirra og hegðun var til stakrar prýði og var virkilega gaman að fylgjast með öllum nemendum þennan dag.

Hér má sjá myndir frá helgileiknum.