Undankeppni Skólahreysti og Íslandsmet

Í kvöld fór fram undankeppni Skólahreysti og sigraði lið Holtaskóla sinn riðil með glæsibrag. Í liði Holtaskóla eru þau Svanur Bergvins Guðmundsson sem keppti í upphífingum og dýfum, Auður Eyfjörð Ingvarsdóttir keppti í armbeygjum og hreystigreip og í hraðabrautinni kepptu þau Benedikt Árni Hermannsson og Elva Björg Ragnarsson. Varamenn eru þau Mikael Fannar Arnarsson og Heiðrún Lind Sævarsdóttir.

Svanur Bergvins stóð uppi sem sigurvegari í bæði upphífingum og dýfum og er gaman að segja frá því að með sigrinum í upphífingum setti Svanur nýtt Íslandsmet! Þau Benedikt Árni og Elva Björg unnu einnig hraðabrautina í kvöld.

Við óskum þessum flottu fulltrúum Holtaskóla innilega til hamingju með glæsilegan árangur. Með sigrinum hefur Holtaskóli tryggt sér sæti í úrslitum sem haldin verða laugardaginn 24. maí í Laugardagshöllinni. 

Áfram Holtaskóli!

Hér eru nokkrar myndir frá keppninni