Skólaþing Holtaskóla

Fimmtudaginn 23. mars verður skólaþing Holtaskóla haldið í íþróttahúsinu við Sunnubraut (2. hæð) frá kl. 17:00-18:00. Markmiðið er að eiga gott samtal um skólastarfið okkar og hafa þátttakendur möguleika til að koma með hugmyndir um hvernig hægt er að efla skólastarfið og þróun skólans. Helgi Arnarsson, fræðslustjóri, mun kynna nýja menntastefnu Reykjanesbæjar. Áhersluþættir skólaþingsins verða á námsumhverfi, kennsluhætti og samskipti heimilis og skóla með nýja menntastefnu Reyjanesbæjar að leiðarljósi. Allir sem hafa áhuga á skólastarfi eru hvattir til að mæta og taka þátt í samtalinu með okkur.