Skólasetning Holtaskóla

Skólasetning Holtaskóla fer fram þriðjudaginn 25. ágúst. Nemendur í 6.-10. bekk mæta kl. 9:00 og nemendur í 1.-5. bekk mæta kl. 10:30. Bekkir verða sýnilegir í Mentor mánudaginn 24. ágúst. Við hvetjum alla foreldra/forráðamenn til að mæta með börnum sínum, en kennarar munu fara yfir mikilvæga þætti í skólastarfinu. Einnig viljum við hvetja foreldra og nemendur til þess ganga eða hjóla á skólasetninguna þar sem margt verður um manninn og lítið um bílastæði.

Dagurinn er skertur nemendadagur og fara nemendur heim að lokinni skólasetningu. Frístund hefst eftir að skólasetningu er lokið fyrir þá nemendur sem þar eru skráðir. Foreldrar fylgja börnum sínum í frístund sem staðsett er á Malarvellinum.

Inngangar árganga eru samkvæmt meðfylgjandi mynd, en sjálfsagt er að nota þann inngang sem hentar þegar mætt er á skólasetningu.

Kennsla hefst samkvæmt stundaskrá miðvikudaginn 26. ágúst kl. 8:10.

Við hlökkum til árangursríks samstarfs og erum spennt fyrir komandi skólaári.