Lið Holtaskóla lenti í 2. sæti í vélmennakappleik First Lego League keppninnar sem haldin var í Háskólabíó núna um helgina. Keppnin er á vegum Háskóla Íslands og fagnaði 20 ára afmæli í ár. Keppendur hanna og forrita sinn eigin þjark sem leysir ýmsar þrautir á keppnisbrautinni. Fornleifaþema var á keppninni í ár og kynntu keppendur einnig nýsköpunarverkefni því tengdu.

Síðastliðin ár hefur Blue bílaleigan staðið fyrir Góðgerðarfest í október og safnað fé sem rennur til góðra málefna. Í ár söfnuðust 30 milljónir sem runnu til 25 mikilvægra málefna. Eikin, sérhæft námsúrræði í Holtaskóla, hlaut styrk upp á 1.150.000 kr og munu þeir peningar svo sannarlega nýtast til góðra hluta.

Mánudaginn 10. nóvember hélt Holtaskóli upp á baráttudag gegn einelti þar sem áhersla var lögð á vináttu, virðingu og samkennd. Dagurinn var einstaklega vel heppnaður og nemendur sýndu frábæra samvinnu og þátttöku í þeim verkefnum sem lögð voru fyrir.

Vegna þátttöku kvenna í kvennaverkfallinu föstudaginn 24. október ætla konur í Holtaskóla að leggja niður störf þennan dag og fellur því öll kennsla niður hjá 1.-5. bekk, í 6. EH og 7. EHE. Kennsla í 7. HHI fellur niður frá kl. 09:30.

Vetrarfrí verður í Holtaskóla föstudaginn 17. október og mánudaginn 20. október. Enginn skóli er þessa tvo daga og frístund lokuð.

Í dag var fyrsti skóladagur nemenda í Holtaskóla. Foreldrar og nemendur mættu glaðir og spenntir á Malarvöllinn og í Holtaskóla þar sem allir hittu umsjónarkennara sína og farið var yfir mikilvæg atriði fyrir skólabyrjun. Á morgun hefst svo kennsla samkvæmt stundaskrá.

Skólasetning Holtaskóla fer fram mánudaginn 25. ágúst. Nemendur mæta kl. 9:00 og taka umsjónarkennarar á móti nemendum í heimastofum. Við hvetjum alla foreldra/forráðamenn til að mæta með börnum sínum, en kennarar munu fara yfir mikilvæga þætti í skólastarfinu.

Skrifstofa skólans er lokuð frá og með 20. júní og opnar aftur 6. ágúst kl. 9:00.

Sjálfsmatsskýrsla Holtaskóla fyrir skólaárið 2024-2025 hefur verið birt á heimasíðu skólans og má finna hér. Skýrslunni er ætla að greina og meta starf skólans með það að markmiði að bæta gæði skólastarfsins, en þar eru greindir styrkleikar skólans sem og umbótartækifæri.

Í gær, fimmtudaginn 5. júní, fóru fram skólaslit og útskrift 10. bekkja í Hljómahöllinni. Skólaslitin voru þrískipt og mættu fyrst nemendur miðstigs kl. 15:00. Nemendur yngsta stigs mættu kl. 16:00 og nemendur elsta stigs kl. 17:00. Nemendur í 1.-9. bekk komu í stafrófsröð upp á svið og fengum afhent umslag með hrósskjölum og niðurstöðum lesfimi og Læsi frá umsjónarkennurum sínum.