Kæru foreldrar/forráðamenn Hefðbundið skólahald hefst að nýju samkvæmt stundaskrá mánudaginn 4. maí. Inn á vef Stjórnarráðs má finna spurt og svarað um skólastarf á neyðarstigi almannavarna. Við hvetjum foreldra til að kynna sér vefinn ef einhverjar spurningar eru en hægt er að smella hér.

Rauði krossinn á Íslandi lét þýða barnabókin Hetjan mín ert þú á íslensku en auk þess er hún til á fjölmörgum öðrum tungumálum og alltaf bætist í sarpinn. Hetjan mín ert þú er barnabók sem er skrifuð um COVID19 faraldurinn en bókin er ókeypis á netinu

Á morgun, fimmtudaginn 23. apríl, er sumardagurinn fyrsti og því enginn skóli þann dag. Starfsmenn Holtaskóla óska foreldrum, forráðamönnum og nemendum gleðilegs sumars.

Samhæfingarmiðstöð almannavarna hefur fengið ábendingu um að hópamyndum unglinga á leiksvæðum að kvöldlagi hefur verið að aukast.

Skóladagatal fyrir skólaárið 2020-2021 hefur verið samþykkt af skólaráði og fræðsluráði.

Nú eru liðnar þrjár vikur frá því samkomubann var sett á og skólahaldi breytt. Framundan er páskafrí sem hefst mánudaginn 6. apríl. Nú er ljóst er að skóli verður áfram með óhefðbundnu sniði þar sem samkomubann hefur verið framlengt til 4. maí. Samþykkt var á fundi fræðsluráðs í morgun að skólarnir fengju starfsdag þriðjudaginn 14. apríl og verður hann nýttur til undirbúnings og skipulags. Frístund er lokuð þennan dag.

Sálfræðingar á fræðslusviði hafa útbúið hagnýtt efni fyrir foreldra undir yfirskriftinni Að takast á við óvissutíma.

Samþykkt var á fræðsluráðsfundi núna í morgun að hafa starfsdag í grunnskólum Reykjanesbæjar þriðjudaginn 14. apríl. Hann verður nýttur til þess að endurskipuleggja skólastarfið og hópaskiptingu nemenda með tilliti til reynslunnar undanfarnar vikur, sérstaklega til að huga að skipulagi á fjarnámi eldri nemenda og til að ræða um fyrirkomulag námsmats með mögulega breyttu sniði.

Þá er vika tvö liðin undir lok frá því að samkomubann var sett á í landinu. Skipulag hefur gengið vonum framar og nemendur hafa tekist á við fjölbreytt verkefni hér í skólanum. Við látum hér fylgja með myndir frá síðustu dögum.

Bangsarnir hennar Söllu á bókasafninu hér í Holtaskóla fréttu af bangsaveiðum barna hér í Reykjanesbæ frá bangsavini sínum hjá Lögreglunni á Suðurnesjum. Þeir tóku því fljótt til sinna ráða og hafa komið sér fyrir í gluggum skólans og vonast eftir að sjá sem flest börn á ferli. Holtaskólabangsarnir vilja hvetja alla bangsa í bænum til að koma sér fyrir í gluggum fyrirtækja, stofnanna, heimila og styðja í leið við þetta skemmtilega samfélagsverkefni.