Skóladagatal fyrir skólaárið 2020-2021 hefur verið samþykkt af skólaráði og fræðsluráði.

Nú eru liðnar þrjár vikur frá því samkomubann var sett á og skólahaldi breytt. Framundan er páskafrí sem hefst mánudaginn 6. apríl. Nú er ljóst er að skóli verður áfram með óhefðbundnu sniði þar sem samkomubann hefur verið framlengt til 4. maí. Samþykkt var á fundi fræðsluráðs í morgun að skólarnir fengju starfsdag þriðjudaginn 14. apríl og verður hann nýttur til undirbúnings og skipulags. Frístund er lokuð þennan dag.

Sálfræðingar á fræðslusviði hafa útbúið hagnýtt efni fyrir foreldra undir yfirskriftinni Að takast á við óvissutíma.

Samþykkt var á fræðsluráðsfundi núna í morgun að hafa starfsdag í grunnskólum Reykjanesbæjar þriðjudaginn 14. apríl. Hann verður nýttur til þess að endurskipuleggja skólastarfið og hópaskiptingu nemenda með tilliti til reynslunnar undanfarnar vikur, sérstaklega til að huga að skipulagi á fjarnámi eldri nemenda og til að ræða um fyrirkomulag námsmats með mögulega breyttu sniði.

Þá er vika tvö liðin undir lok frá því að samkomubann var sett á í landinu. Skipulag hefur gengið vonum framar og nemendur hafa tekist á við fjölbreytt verkefni hér í skólanum. Við látum hér fylgja með myndir frá síðustu dögum.

Bangsarnir hennar Söllu á bókasafninu hér í Holtaskóla fréttu af bangsaveiðum barna hér í Reykjanesbæ frá bangsavini sínum hjá Lögreglunni á Suðurnesjum. Þeir tóku því fljótt til sinna ráða og hafa komið sér fyrir í gluggum skólans og vonast eftir að sjá sem flest börn á ferli. Holtaskólabangsarnir vilja hvetja alla bangsa í bænum til að koma sér fyrir í gluggum fyrirtækja, stofnanna, heimila og styðja í leið við þetta skemmtilega samfélagsverkefni.

Þessa vikuna hefur skólahald verið með talsvert öðru hætti en nemendur, foreldrar og starfsfólk er vant. Fyrsta vika frá því að samkomubann var sett á er liðin og gekk skólastarf almennt vel fyrir sig. Nemendur í 1.-6. bekk hafa mætt annan hvorn dag í skólann og sinnt sínum verkefnum af miklum myndarbrag. Nemendur í 7.-10. bekk sinna sínu námi með aðstoð tækninnar og eru í sambandi við sína kennara rafrænt.

Í ljósi aðstæðna hefur verið ákveðið að fresta skerta deginum sem vera átti föstudaginn 20. mars fram á vorið.

Áríðandi tilkynning - Starfsdagur mánudaginn 16. mars Í ljósi fyrirmæla heilbrigðisyfirvalda sem gefin voru út fyrr í dag verður starfsdagur í grunnskólum Reykjanesbæjar mánudaginn 16. mars. Starfsdagurinn verður nýttur í að undirbúa og skipuleggja skólastarf á því tímabili sem takmörkunin nær til. Því fellur skólastarf niður og frístundaheimilið verður lokað.

Stærðfræðikeppni grunnskólanema fór fram í FS 27. febrúar síðastliðinn. Þátttakendur voru alls 112 úr níu grunnskólum á Suðurnesjum. Í gær fór fram verðlaunaafhending eftir keppnina og fengu fimm nemendur Holtaskóla verðlaun.