Kæru foreldrar/forráðamenn Líkt og í fyrra verður ekki hefðbundin skólasetning í Holtaskóla. Skóli hefst mánudaginn 24. ágúst. Sökum takmarkana vegna kórónuveirufaraldar biðjum við foreldra um að koma ekki með börnum sínum inn í skólann. Ef það er nauðsynlegt, þá aðeins eitt foreldri og vinsamlegast virðið tveggja metra regluna. Nemendur í 2. – 10. bekk mæta í heimastofur kl. 8.10 til umsjónarkennara sinna. Nemendur í 1. bekk mæta á sal skólans í tvennu lagi. Kennsla hefst samkvæmt stundaskrá kl. 8.50. Við biðjum foreldra að skoða á Mentor stundaskrár nemenda og huga að t.d. íþróttum og sundi. Sama stefna er líkt og í fyrra varðandi nesti og biðjum við um að nemendur séu með grænmeti/ávexti eða brauð með hollu áleggi og vatn að drekka. Nestistíminn er ætlaður sem millibiti og gerum við ráð fyrir að allir nemendur borði staðgóðan morgunverð heima áður en haldið er í skóla.

Í ljósi aðstæðna fóru skólaslit Holtaskóla fram með frábrugðnum hætti þetta árið en skólanum var slitið í heimastofum nemenda í 1.-9. bekk fimmtudaginn 4. júní. Allir nemendur fengu hrósskjöl og veittar voru viðurkenningar fyrir góðan námsárangur.

Í dag fór fram hinn árlegi Holtasprettur, en þar keppa bekkir sín á milli í allskyns þrautum. Keppt var meðal annars í stígvélakasti, boltakasti, skjóta fótbolta í gegnum húllahringi, pútti, boðhlaupi, jarðsprengjugöngu og langstökki úr rólu.

Í gær kepptu þau Daria Sara, Dominque Lyle, Harpa Rós og Róbert Ingi fyrir hönd Holtaskóla í Skólahreysti. Hrepptu þau 2. sæti í sínum riðli og óskum við þeim innilega til hamingju með árangurinn!

Holtasprettur þriðjudaginn 2. júní kl. 09:55-11:45 Nemendur mæta í heimastofu kl. 09:55. Dagskráin hefst kl. 10:10 og lýkur um kl. 11:45/12:00. Holtasprettur er keppni í fjölbreyttum þrautum sem gefa stig. Sigurvegarar verða krýndir á hverju stigi. Nemendur eru hvattir til að koma i eftirfarandi litum eins og hægt er:

Verkefnin í Holtaskóla eru misjöfn hjá nemendum og stundum lykta þau misvel. Í dag var 8. bekkur að kryfja og rannsaka meðal annars þorsk og karfa í náttúrufræði. Það var gaman að fylgjast með áhugasömum nemendum að störfum á meðan þau könnuðu fiskana og líffæri þeirra.

Nú á föstudaginn keppir Holtaskóli í Skólahreysti. Keppnin í ár er án áhorfenda en sýnt verður beint frá riðlakeppninni á RÚV og hefst útsendingin kl. 14.30. Úrslitakeppnin verður svo í beinni útsendingu á laugardaginn og hefst hún kl. 19.40. Í ár keppa fyrir hönd Holtaskóla keppa þau Daria Sara, Dominque Lyle, Harpa Rós og Róbert Ingi. Við óskum þeim góðs gengis í keppninni og hvetjum þau til dáða heiman frá okkur! Áfram Holtaskóli!!!

Í gær fór heimilisfræðihópurinn í 3. bekk út í blíðskaparveðri. Haldið var á róluvöll í nærumhverfi Holtaskóla þar sem ætlunin var að grilla sykurpúða. Ferðin reyndist aldeilis ævintýraför, því þegar verið var að undirbúa eldstæðið kom í ljós fjársjóður. Fallegt silfurskríni hafði verið grafið í eldstæðið.

Sumarlesturinn 2020 er í formi lestrarlandakorts og tilgangurinn þessu sinni er að kynna fyrir nemendum mismunandi tegundir bóka og auðvitað að hvetja þau til lestrar.